ប្រដាប់ភេទតូច ឬធំពេក? ធ្វើដូចម្ដេចអាចមានក្ដីសុខដូចគេឯង

បុរសស្ត្រីគ្រប់រូប គួរតែចងចាំថា ទំហំតូច ឬធំ សុទ្ធមានផលប្រយោជន៍ និងផលវិបាករៀងៗខ្លួន ដូច្នេះ សម្រាប់អ្នកដែលប្រដាប់ភេទតូច ឬធំពេក មិនគួរមានចម្ងល់ ឬពិបាកចិត្តអំពីទំហំ និងលក្ខណៈប្រដាប់ភេទខ្លួនឯងឡើយ។

លើកលែងតែប្រដាប់ភេទបុរស តូចជាង ១០ សង់ទីម៉ែត្រ ទើបហៅថាតូច ប៉ុន្តែ បុរសភាគច្រើន ដែលមានទំហំ ១២ ទៅ ១៤ សង់ទីម៉ែត្រ ហើយ នៅតែថារបស់ខ្លួនឯងតូចទៀត។
បើនៅតែគិតថាតូចទៀត ចូរពិគ្រោះជាមួយអ្នកជំនាញផ្លូវចិត្ត។
បើដៃគូរបស់អ្នករអ៊ូថា ប្រដាប់របស់អ្នកតូច ប៉ុន្តែ តាមពិតវាវែងជាង ១០ សង់ទីម៉ែត្រ អឺញ្ចឹង គឺនាងទេ ដែលជាអ្នកមានបញ្ហា។
ចុះបើអ្នកតូចជាង ១០ សង់ទីម៉ែត្រ មែន ... កុំព្រួយ មានវិធីសាស្ត្រ និងក្បាច់រួមភេទច្រើនណាស់ ដែលអាចធ្វើឲ្យអ្នក និងដៃគូនៅតែអាចរួមភេទ ប្រកបដោយសេចក្តីសុខដដែលហ្នឹង។
ត្រូវចងចាំថា ភាពសុខស្រួល កើតចេញពីកត្តាជាច្រើនផ្សេងទៀត (ការបបោសអង្អែល ការប្រើមាត់ ការនិយាយគ្នា) ដូច្នេះ វាមិនចាំបាច់ពឹងទាំងស្រុង ទៅលើទំហំនោះឡើយ។
ក្រែម និងថ្នាំជំនួយ? វាមិនមានសុវត្ថិភាព និងប្រសិទ្ធភាព ដូចដែលអ្នកចង់នោះទេ ដូច្នេះ អ្នកគួរតែផ្តល់ទំនុកចិត្ត និងពឹងពាក់លើសមត្ថភាព និងបច្ចេកទេសរបស់អ្នកវិញទៅ។៕

ប្រភព៖ health.com.kh