ត្រឹមតែ១៥ថ្ងៃសោះ អាចធ្វើអោយផ្ទៃមុខរបស់អ្នកភ្លឺរលោង

ប្រសិនបើអ្នកចង់កម្ចាត់បញ្ហាផ្ទៃមុខខ្មៅឱ្យប្រែមកជាសស្រស់ថ្លា អ្នកត្រូវសាកល្បងវិធីមួយនេះ ។ វាមិនប៉ះពាល់ដល់ស្បែក និងគ្មានផ្ទុកសារធាតុគីមី ។ ប្រើវាត្រឹមតែ ២ សប្តាហ៍ប៉ុណ្ណោះ អ្នកនឹងបានឃើញលទ្ធផលគួរឱ្យទាក់ទាញ ។
គ្រឿងផ្សំ

-ទឹកក្រូចឆ្មាស្រស់ច្របាច់រួច ១/២ ស្លាបព្រាបាយ
-ទឹកឃ្មុំ ១/២ ស្លាបព្រាបាយ
-ម្សៅសូដា ១ ច្បិច
-ទឹកដោះគោជូរ (យ៉ាអួ) ១ ស្លាបព្រាបាយ
-ប៉ោមស្រស់កោសរួច ១ ស្លាបព្រាបាយ ។

វិធីធ្វើ៖
1. ដាក់ប៉ោមចូលក្នុងចានស្អាតមួយ
2. បន្ថែមម្សៅសូដាចូលមិនឱ្យច្រើនជាង ១ ច្បិច ព្រោះវានឹងធ្វើឱ្យស្បែកមុខអ្នកស្ងួត រលាកស្បែក និងខូចស្បែក
3. ដាក់គ្រឿងផ្សំដែលនៅសល់បញ្ចូលគ្នាទាំងអស់ រួចកូរវា
4. រក្សាទុកក្នុងទូរទឹកកករយៈពេល ២-៣ ថ្ងៃជាការស្រេច
5.ប្រើវាលាបត្រង់កន្លែងស្បែកដែលចង់សដូចជា ជើង ដៃ និងផ្ទៃមុខ ចៀសវាងតំបន់ជុំវិញភ្នែក
6. ប្រើវាជារៀងរាល់ថ្ងៃរយៈពេល ១៥ ថ្ងៃ ក្រោយមកបន្តប្រើវាត្រឹមតែ ២ ដងក្នុង ១ សប្តាហ៍ ៕

ប្រភព៖ មង្គលការ