ប្រសិនបើអ្នកកំពុងព្យាយាមចង់សម្រកទម្ងន់ យើងនឹងឱ្យអ្នកបានដឹងថា ទឹកផ្លែឈើដ៏មានសក្តានុពលម្យ៉ាងអាចជួយដល់អ្នកបាន។
សព្វថ្ងៃនេះ រាងស្អាត គីឡូត្រឹមត្រូវ ត្រូវបានគេចាត់ទុកថា ជាសញ្ញានៃសុខភាពល្អ។ ច្រើនជាងនេះទៀត ឡើងគីឡូក៏អាចប៉ះពាល់ធ្ងន់ធ្ងរដល់សុខភាពដែរ។ លើសទម្ងន់ ឬធាត់ជ្រុលអាចជួបនឹងគ្រោះថ្នាក់ដូចជា ជំងឺទឹកនោមផ្អែម លើសកូឡេស្តេរ៉ុល ជំងឺសរសៃឈាមបេះដូង ឈឺសន្លាក់...។
មានមូលហេតុផ្សេងៗជាច្រើនដែលបណ្តាលឱ្យមនុស្សឡើងទម្ងន់ ឬធាត់ហួស ដូចជា ទម្លាប់ញ៉ាំអាហារមិនល្អ កង្វះលំហាត់ប្រាណ សែនតំណពូជ អតុល្យភាពអរម៉ូន...។
សិក្សាពីរបៀបធ្វើ និងប្រើភេសជ្ជៈដ៏អស្ចារ្យមួយនេះ ដើម្បីអាចជួយសម្រកទម្ងន់អ្នកបានដល់ទៅ ៧គីឡូក្នុងពេល ១ខែ៖
រូបមន្ត និងគ្រឿងផ្សំ
- សាច់ក្រូចថ្លុង ១/២ពែង
- ទឹកក្រូចឆ្មា ២ស្លាបព្រាបាយ
- ទឹកឃ្មុំ ១ស្លាបព្រាបាយ។
ភេសជ្ជៈសម្រកទម្ងន់មួយនេះនឹងជួយបង្កើនដំណើរការប្រព័ន្ធរំលាយអាហារ និងរំលាយខ្លាញ់បានច្រើនបំផុត។ តែទោះជាយ៉ាងណា ត្រូវចាំថា បើអ្នកមិនតមអាហារ និងធ្វើលំហាត់ប្រាណទេ ឱសថនេះអាចនឹងគ្មានប្រសិទ្ធិភាពខ្ពស់ឡើយ។
សាច់ក្រូចថ្លុង ទឹកក្រូចឆ្មា និងទឹកឃ្មុំសម្បូរទៅដោយសារធាតុប្រឆាំងអុកស៊ីតកម្ម និងវីតាមីន C ដែលអាចជួយជម្រុញការរំលាយអាហារឱ្យបានលឿន ដូច្នេះជួយដុតកាឡូរីបានច្រើន។
មិនតែប៉ុណ្ណោះ ភេសជ្ជៈ ១មុខនេះក៏អាចកម្ចាត់ខ្លាញ់ពីក្នុងខ្លួនអ្នក ធ្វើឱ្យអ្នកស្រកគីឡូបានឆាប់រហ័សបំផុត។
វិធីធ្វើ និងប្រើ
- ដាក់គ្រឿងផ្សំទាំងអស់ចូលក្នុងម៉ាស៊ីន និងចាក់ទឹកចូលបន្តិច រួចកិនវាឱ្យក្លាយជាទឹក
- ចាក់ទឹកវាចូលក្នុងកែវ មិនចាំបាច់ចម្រាញ់ជាការស្រេច
- ទទួលទានភេសជ្ជៈនេះជារៀងរាល់ព្រឹក មុនពេលអាហារ៕
0 comments:
Post a Comment